РД-дин Верховный суддин председателдин заместитель - Кьасумхуьрел
Алатай гьафтеда Дагъустан Республикадин Верховный суддин председателдин заместитель Сулейманов Сулейман Мегьамедович, 2013-йисан сад лагьай паюна республикадин Верховный судди авур кIвалахдин пландихъ галаз алакъалу яз, чи райондиз атана. Ада агьалияр кьабулна, абурун дерди-баладихъ, арзайрихъ яб акална.
Гуьгъуьнлай Сулейман Сулейманова райондин федеральный ва мировой судьяйрихъ, судрин къуллугърин работникрихъ галаз совещание тухвана. Ада эхиримжи йисара судрин законодательствода хьанвай дегишвилерикай, постановленияр, суддин приговорар, решенияр вахтунда кьилиз акъудун, абур законрихъ галаз кьазвайбур ва гьахълубур хьун лазим тирдакай лагьана.
С.Сулейманова 2012-йисуз ва алай йисан алатнавай 6 вацра районрин судри тухвай кIвалахдилай разивал къалурна, кIвалахда хъсан нетижаяр къалурзавай работникар государстводин ва ведомственный наградаярни грамотаяр гун патал къалурун лазим тирди къейдна.
Совещанидал райондин суддин председатель Мегьамедзаид Айбатов рахана. Ада 78,79 ва 124-нумрайрин, 68-нумрадин Кьурагь райондин судрин судебный участокрин судьяйри тухвай кIвалахдикай информация авуна, мугьман хьунай, агьалияр кьабулунай ва метлеблу совещание тухунай Сулейман Мегьамедович Сулеймановаз чухсагъул лагьана.
Совещанидал гьакI райондин суддин судья С.К.Гьадисова, мировой судьяяр тир Т.А.Алиевади ва Т.А.Магьмудова чпин кIвалахри-кай информацияр авуна.
Шикилда: С.Сулейманова агьалияр кьабулзава.
Текст кхьейди ва шикил ягъайди Хазран Кьасумов я.