2010-йисан 29-июндиз Герейханован хуьруьн 1-отделенида стхаяр тир 1991-йисуз хайи Мукаилов Имран Арифовича, 1988-йисуз хайи Мукаилов Ислам Арифовича вич 1998-йисуз хайи Шихбабаев Вадим Валериковичахъ галаз санал гьа и хуьруьн 1-отделенида яшамиш жезвай яшар тамам тахьанвай, вич 2004-йисуз ханвай Э. Э. Алиярова чуьнуьхна ва ам азад хъувун патал адан диде-бубадивай 1500000 (садни зур миллион) манат пул къачунин мураддалди, виликамаз меслят хьуналди, РФ-дин УК-дин 126-статьядин 2-паюнин «а», «д», «з» пунктара, 162-статьядин 2-паюна ва 163-статьядин 3-паюнин «б» пунктуна тайинарнавай тахсиркарвал авуна.
И фактунай ДР-да авай РФ-дин прокуратурадин патав гвай С. Стальский СУ-дин СК-дин МРСО-ди И. А. Мукаилован, И. А. Мукаилован ва В. В. Шихбабаеван гьакъиндай РФ-дин УК-дин 126-статьядин 2-паюнин «а», «д», «з» пунктара, 162-статьядин 2-паюна ва 163-статьядин 3-паюнин «б» пунктуна тайинарнавай тахсиркарвилерин лишанрай уголовный дело къарагъарнава.
Уголовный делодай ахтармишунар кьиле тухун куьтягьнава ва ам ахтармишун, талукь тир къарар акъудун патал райондин суддиз рекье тунва.
Д. А. Оруджев, ДР-да авай РФ-дин прокуратурадин СК-дин СУ-дин районрин уртах С-Стальский следственный отделдин старший следователь, 3-классдин юрист.