Лап гъвечIи ктабар са шумуд виш йисарин идалай вилик акъудиз башламишна. 1971-йисуз Москвада гъвечIи ктабрал рикI алайбурун клуб (МКЛМК) тешкилна. Ам 50 касдикай ибарат я. Клубдихъ Москвада ва Пермда ктабар акъуддай чпин издательствоярни ава. Анра 300-далай виниз лап гъвечIи ктабар акъуднава.
1995-йисалай инихъ чпин размер 20 мм. ва адалай тIимил тир ктабар акъудунай Россияди дуьньяда 1-чка кьазва. 1996-йисуз Омскда дуьньяда виридалайни гъвечIи ктаб (0,9х0,9 мм) 50 экземплярдин тираж аваз акъудна. Вични А. Чехован «Хамелеон» рассказ урус ва английский чIаларалди. 2003-йисуз и ктаб Гинессан рекордрин ктабда гьатна.
Мадни лап гъвечIи са ктаб - «Чуда из чудес» (9х6 мм) Подольскдин офсетдин печатдин фабрикада 1985-йисуз акъатна. 200 экземплярдин тираж аваз акъудай ктабда А. С. Пушкинан ва Максим Горькийдин эсеррикай тIвар-ван авай инсанрин фикирар ганва.