Вакъиаяр ава, йисар алатайла, чебни рикIелай алатдай. Бязи вакъиаяр, йисар, гьатта асирар фейилани рикIелай алатдач. Абурукай сад Ватандин ЧIехи дяве я. Ингье, Гъалибвилин 65 йис тамам хьанватIани, мусибатдин дяведин йисар, женгер, халкьдин къагьриманвал рикIелай алатзавач.
Дяведин йисара, фронтдиз куьмек гун патал, вири уьлкведин хьиз, чи райондин майишатри, кьилдин ксарини далу пата югъ- йиф лагьун тавуна намуслудаказ кIвалахна, фронтдиз пул, малдарвилин ва хуьруьн майишатдин продуктар, аскерриз алукIдай парталар агакьарна. Идай гьа йисара чи райондиз И.Сталинан тIварунихъай чухсагъулдин чарар хтана. Абурукай са шумуд чна, дяведин йисара райондин «Колхоздин пайдах» газетдин чинриз акъатайвал, са дегишвални кутун тавуна, и нумрада гун хъийизва.
1. «Цмуррин Громован тIвар-цIихъ галай колхоздин сефтегьан парт тешкилатдин секретарь юл. Ягибековаз. Хуьруь советдин председатель юл. Байрамовадиз. Колхоздин председатель юл. Магомедоваз.
«Фронтовикрин хзанриз куьмекдин фондуниз 10000 манат пул, техил ва чими ийидай шейэр кIватIай Громован тIварцIихъ галай колхозчи итимриз ва дишегьлийриз зи стхавилин салам ва Красная Армиядин патай чухсагъул лагь. И. СТАЛИН.»
2.«Уллугъетягърин «Ударник» тIвар алай колхоздин председатель юл. Абиловаз. Хуьруьн совет председатель юл. Мирзалиеваз. Сифрегьан парт тешкилатдин секретарь юл. Мирзосваз.
«Фронтовикрин хзанриз куьмекдин фондуниз 8000 манат пул ва шейэр кIватIай «Ударник» тIвар алай колхоздин колхозчи итимриз ва дишегьлийриз зи стхавилин салам ва Красная Армиядин патай чухсагъул лагь. И.СТАЛИН.»
3. Бутхуьруьн советдин председатель Шикерхановаз.
Фронтовикрин хзанриз куьмекдин фондуниз 19000 манат пул, техил, малар ва маса продуктар кIватIай «Агасиеван», «Леваневскидин» ва
«Долоресан» тIварцIихъ галай колхозрин колхозчи итимриз ва дишегьлийриз зи стхавилин салам ва Красная Армиядин патай чухсагъул лагь. И. СТАЛИН.»
4. КуркIур хуьруьн «Правда» т!вар алай колхоздин председатель
юл. Джафарова Зарбафаз.
«Красная Армиядин гьакъиндай къайгъу чIугунай ва квез- «Правда» колхоздин колхозчи итимриз ва дишегьлийриз ва кьилди ваз юлдаш Джафарова Зарбаф чухсагъул лугьузва. Зи стхавилин салам ва Красная Армиядин патай чухсагъул кьабула. И. СТАЛИН»
5. НюцIуьгърин «Урицкидин» тIварцIихъ галай колхоздин председатель Юл. Бабаеваз. Хуьруьн советдин председатель юл. Рамалдановаз.
«Фронтовикрин хзанриз куьмек гудай фондуниз 65000 манат пул, 10 мал, техил ва чими ийидай шейэр кIватIунай «Урицкий» тIварцIихъ галай колхоздин колхозчи итимриз ва дишегьлийриз зи стхавилин салам ва Красная Армиядин патай чухсагъул лагь. И. СТАЛИН»
6.ВЛКСМдин Кьасумхуьруьн райкомдин секретарь юл. Хазбула-товаз
«Дяведин къуллугъчи хзанрин куьмекдин фондуниз 51458 манат пул, техил, малар, продуктар ва шейэр кIватIай Кьасумхуьруьн райондин комсомолриз ва жегьилриз зи стхавилин салам ва Красная Армиядин патай чухсагъул лагь.»
7.АгъастIал. Кьасум хуьруьн район бухгалтер Шахмирзоев Абдулагъадиз.
«Фрондивикрин хзанрин гьа-къиндай къайгъу чIугунай вуна, юлдаш Шахмирзоев, зи салам ва Красная Армиядин патай чухсагъул кьабула. И. СТАЛИН.»
(Шихмирзоев Абдулагъади фрон-товикрин хзанриз куьмек гудай фондуниз 2000 манат пул, 230 кг. техил, са жунгав гана ва 2 фронтовикрин аялриз парталар авуна.).
8. Ялцугърин «Етим Эминан» тIварцIихъ галай колхоздин сефре-гьан парт тешкилатдин секретарь юл. Мирзебековаз и колхоздин председатель юл. Алимирзоеваз. КIахцугърин «Дахадаеван» тIвар-цIихъ галай колхоздин председатель юл. Гюлметоваз.
«Фронтовикрин хзанриз куьмекдин фондуниз 15000 манат пул, малар, хуьруьн майишатдин продуктар ва шейэр кIватIай Етим Эминан ва Дахадаеван тIварцIихъ галай колхзрин колхозчи итимриз ва дишейлийриз зи стхавилин салам ва Красная Армиядин патай чухсагъул лагь. И. СТАЛИН.»
9. КIварчагърин «Коммуна» колхоздин сифтегьан комсомолдин тешкилатдин секретарь Юл. Байранбековаз.
«Дяведин къулугъчийрин хзанрин гьакъиндай къайгъу чIугунай вуна, юл. Байранбеков зи салам ва Красная Армиядин патай чухсагъул кьабула. И. СТАЛИН.»
Гьазурайди «Сулейман-Сталь-ский район» муниципальный район-дин архивдин отделдин начальник, ДР-дин Культурадин лайихлу работник