Чи райондин дагъдин ценерив гвай хуьрерикай сад тир Сайтархуьре 2008-йисалди кардик квайди сифтегьан 4 классдикай ибарат школа тир. ЧIехи классра кIелзавай гзаф кьадар аялар, зул, кьуьд талгьана, кьарадайни живедай, гьар юкъуз 3 километрдин мензил атIуз, яхди кIелиз Уллу Гъетягърин юкьван школадиз физвай. И карди аялар ва гьакI абурун диде-бубаяр патални са кьадар четинвилер яратмишзавай.
2008-йисуз, цIийи кIелунин йис башламиш жедалди вилик, хуьруьнвийрин тIалабунар, и хуьре кIелзавай аялрин кьадар 87 касдихъ агакьнавайдини фикирда кьуна, и хуьруьнви, райондин суддин председатель М-З. М. Айбатов хуьре 9 классдин основной школа кардик кутунин инициатива гваз райондин руководстводин ва гьакIни республикадин талукь министерстводин вилик экъечIна. Адан инициативадин тереф вири дережайра хвена. Гьелбетда, и карда райондин руководстводин куьмекни екеди хьана.
Нетижада 2008-йисалай Сайтархуьре 9 классдин основной школа кардик акатна, аялризни регьят хьана. Классрикай дарвал хьуниз килигна, хуьруьнвийри, спонсоррин куьмекни галаз, виликан фермаяр эцигун патал янавай хандакIрал школадин цIийи дарамат эцигун кьетIнава.
Хуьруьнвийри и кIвалахрин жигьетдай сифте кьил кутур М-З. М. Айбатоваз чухсагъул лу-гьузва.